“İdarəetmə kitabları” seriyasından bir sıra vəsaitlərin müəllifi olaraq yaxşı tanıdığımız, insan resursları, müştəri xidməti və maliyyə xidmətləri sahələrində zəngin təcrübəsi olan beynəlxalq səviyyəli mütəxəssis Endi Krossun “İstedadlı kadrların idarə edilməsi” kitabı oxucuların ixtiyarına verildi!

Psixologiya üzrə beynəlxalq səviyyəli mütəxəssis Viki Kalpinin “Yaddaş” kitabı yaddaşını gücləndirmək istəyən hər kəsin masaüstü vəsaitinə çevriləcək. Yeni kitabı sizə təqdim edirik. Hansı kitab idi?.. Mmm… Ah, hə, “Yaddaş” kitabı! Yaddaş bizim varlığımız üçün təməl bir qabiliyyətdir. Bəs siz yaddaş barədə nə dərəcədə məlumatlısınız və yaddaşınızı gücləndirmək üçün nə edirsiniz? Axı iş dünyasında peşəkar inkişafınız və rifahınız bundan asılıdır. Kitabda izah edildiyi kimi, epizodik və semantik yaddaş iş dünyasında mühüm rol oynayır. Kitabda yaddaşın strukturu: sensor yaddaş, qısamüddətli yaddaş və uzunmüddətli yaddaş araşdırılır. Zəif yaddaşın səbəbləri (yorğunluq, zehinin həddindən artıq yüklənməsi və zəif konsentrasiya) və onun gücləndirilməsinin əsas prinsipləri (diqqət, səy, motivasiya və məna) ətraflı şəkildə izah edilir.

Kouçinq, komanda inkişafı, təlimçilərin təlimi üzrə beynəlxalq səviyyəli mütəxəssislər Pol Tizzard və Alan İvansın həmmüəllifliyi ilə daha bir vəsait – “Açılış və qapanış çalışmaları” oxuculara təqdim edildi. “Buzqırma çalışmaları” kitabının ardınca müəlliflər Alan İvans və Pol Tizzard yenidən entuziam və yaradıcı potensiallarını işə salaraq “Açılış və qapanış çalışmaları” kitabını – təlim seminarlarını effektiv və yaddaqalan şəkildə açmağa və bağlamağa imkan verən tematik çalışmalar toplusunu hazırladılar. “Bu kitab kursların açılış və qapanışı üçün qısa çalışmalar və məzmunlu hekayələr toplusundan ibarətdir”, – Tizzard deyir. “Biz bu vəsaitə buzları sürətlə qıran qısa çalışmaları və daha uzun, daha çətin məşğələləri, o cümlədən lazımi ab-havanı yaratmaq üçün qısa lətifələri daxil etmişik”. “Açılış və qapanış çalışmaları” kitabının başlıca məqsədi minimal hazırlıq tələb edən sadə və asan çalışmaları – müəlliflərin sözləri ilə desək – təlimçilərə tədris prosesini təkmilləşdirmək üçün yeni və yaradıcı üsulları göstərən “götür və get” çalışmalarını oxuculara təqdim etməkdir.

Kouçinq, komanda inkişafı, təlimçilərin təlimi üzrə beynəlxalq səviyyəli mütəxəssislər Pol Tizzard və Alan İvansın həmmüəllifliyi ilə “Buzqırma çalışmaları” kitabından artıq hər kəs faydalana biləcək. “Buzqırma çalışmaları” kitabı təlimçilərə seminar və kursların effektivliyini artırmağa imkan verəcək təxminən 40 orijinal çalışma təqdim edir. Çalışmalar müəyyən kateqoriyalar üzrə qruplaşdırılır, məsələn: özünəinam, ünsiyyət, kouçinq və mentorluq, insanların idarə edilməsi, təlimçilərin və komandaların təlimi və s. Müəlliflər hər bir çalışma üzrə təlimin məqsədlərini, nəticələrini və aktuallığını izah etməklə yanaşı, tələb olunan müddət, iştirakçı sayı, zəruri materiallar, təlimçidən tələb olunan biliklər və mövcud alternativlər haqqında məlumat verir. Əksər çalışmaları yerinə yetirmək üçün 10–30 dəqiqə vaxt kifayət edir. Kiçik qruplar və ya istənilən sayda iştirakçı üçün uyğun olan “buzqırma çalışmaları” mövcuddur.

Peşəkar təlimçi, natiq və yazıcı Duqlas Millerin “İnnovasiyanın təşviqi” kitabı oxuculara təqdim edildi. İnnovasiya həm özəl, həm də dövlət müəssisələrinin inkişaf mənbəyidir. İnnovasiyanın təşviqi onların rəqabət qabiliyyətini gücləndirir. Bu istiqamətdə uğur qazanmış müəssisələr etiraf edirlər ki, onların bütün işçiləri xaraktercə yaradıcı insanlardır və düzgün idarəetmə nəticəsində bu yaradıcı potensialı üzə çıxarmaq və bütün maraqlı tərəflərin xeyrinə istifadə etmək mümkündür.

“İdarəetmə kitabları” seriyasından bir sıra vəsaitlərin müəllifi olaraq artıq yaxşı tanıdığımız beynəlxalq səviyyəli təlim mütəxəssisləri Con Taunsend və Pol Donovanın “Təlimin qiymətləndirilməsi” kitabı oxucuların ixtiyarına verildi.

“İdarəetmə kitabları” seriyasından bir sıra vəsaitlərin müəllifi olaraq artıq yaxşı tanıdığımız beynəlxalq səviyyəli mütəxəssis, “təlimçilərin təlimçisi” Con Taunsendin “Təlimçilər” kitabı oxucuların ixtiyarına verildi.