Standartlarınızı yüksəltmək, müəssisə performansını artırmaq üçün əməkdaşlarınızın səriştəlilik səviyyəsinə diqqət yetirin.
Sizə lazım və uyğun olan səriştə modelini seçərək peşəkar inkişafınızı düzgün məcraya yönəldin.
Müqaviməti neqativ deyil, normal bir reaksiya kimi qəbul edin, xoş qarşılayın və ona pozitiv yanaşın.
Müqavimətin öhdəsindən effektiv şəkildə gələ bilmək üçün əvvəlcə ona yol açan səbəbi başa düşməlisiniz.
Öyrənmə ehtiyaclarının təhlili
Öyrənmə ehtiyaclarının təhlili kadrların və müəssisənin inkişaf ehtiyaclarını ödəmək üçün tələb olunan yeni bilik və bacarıqları müəyyən etmək deməkdir.
Heyətinizin hansı bilik və bacarıqlara ehtiyac duyduğunu müəyyənləşdirmədən təşkil etdiyiniz təlim proqramları tamamilə vaxt itkisidir
Yeni kitablar
Portalımıza yüklənmiş yeni kitablarımızı oxuya bilərsiniz
Son yeniliklər
Portalımızın fəaliyyəti haqqında son yeniliklər və yeni kitablarla bağlı xəbərlərimizi izləyin
İdarəetmə haqqında elektron kitablar
İdarəetmə haqqında elektron kitablar “Pocketbook.az” portalında – müxtəlif mövzulardakı kitabları Azərbaycan dilində onlayn oxuyun. İdarəetmənin düzgün təşkili müəssisənin özəl və ya dövlət sektorunda fəaliyyət göstərməsindən asılı olmayaraq, istər komanda səviyyəsində, istərsə də ümumi təşkilati səviyyədə böyük rol oynayır. “Layihəni idarə etmək”, “vaxtı idarə etmək”, “büdcəni idarə etmək”, “dəyişiklikləri idarə etmək”, “komandanı idarə etmək”, “münasibətləri idarə etmək”, “insan resurslarını idarə etmək”, hətta “özünü idarə etmək”, yaxud “maliyyənin idarə edilməsi”, “ünsiyyətin idarə edilməsi” “münaqişələrin idarə edilməsi”, “qərarların qəbul edilməsi”, “inzibati idarəetmə”, “iş müsahibələrinə hazırlıq”, “performansın qiymətləndirilməsi”, “emosional zəka” və s. və i. – siyahını daha da uzatmaq olar. Hər bir sahədə uğur qazanmağın başlıca şərti idarəetmənin düzgün təşkili ilə bağlıdır.
Biznesə aid onlayn kitablar
Elə bir dövrdə yaşayırıq ki, iş dünyası ilə, bizneslə artıq uşaqdan böyüyə hər kəs maraqlanır, hər kəs nəsə öyrənmək, yaxud bilik və bacarıqlarını təkmilləşdirmək istəyir. İnkişaf etmək, rəqiblər arasında “üstünlüyü əldə etmək və əldən buraxmamaq”, öz sahəsinin “ən yaxşısı olmaq”, “ən böyük uğuru qazanmaq” dayanmadan və sürətlə inkişaf edən hazırki iş dünyasında əsas şüarlara çevrilib. Bu mövzularla bağlı virtual məkanda bir sıra kitab saytları, özünüinkişaf vəsaitləri, təlim və tədris materialları mövcuddur. “Pocketbook.az” portalında idarəetmə üzrə istənilən mövzu haqqında azərbaycanca ən yaxşı e-kitabları pulsuz əldə edə bilərsiniz.
Özünüinkişaf üçün pulsuz
e-kitablar
Sadə və əyləncəli üslubda yazıldığı üçün asanlıqla mənimsəyəcəyiniz bu elektron kitablar indiyədək oxuduğunuz idarəetmə vəsaitlərindən xeyli fərqlənir:
- praktiki və konkret təlimatlar;
- məzəli illüstrasiyalar və aydın qrafik təsvirlər;
- idarəetmə sahəsində illərin təcrübəsini qazanmış peşəkarların faydalı məsləhət və praktiki təklifləri.
Ən nəhayət, masanızda və ya çantanızda əlavə yer tutan ənənəvi “kağız kitab” əvəzinə, rəqəmsal cihazınız vasitəsilə internetdə oxuya biləcəyiniz internetdə oxuya biləcəyiniz elektron kitablar müasir biznes dünyasının sürətinə yetişməyə və tələbləri ilə ayaqlaşmağa çalışan, vaxtına və büdcəsinə qənaət etmək istəyən hər kəsə uyğundur.
İdarəetmə haqqında e-kitablarımız internetdə mütəmadi olaraq yenilənir və idarəetmə mütəxəssislərinin yazdıqları yeni elektron kitablar Azərbyacan dilinə tərcümə edilərək portalımıza yüklənir.
